Mlilet (TIFRAY) – Ssiwlen, ca n imrezzuten x tebridt n tira i Tmaziɣt n Arrif s usekkil alatini, deg ussan-a i yeɛdan di temdint n Mlilet.
Aya yus-d deg yiger n ijjen umelqi umi semman “tabridt n tira i Tmaziɣt s usekkil alatini”, zegga tebda Tmaziɣt n Arrif, tetteṭṭef amkan-nnes i das-ittwalamen di temdint-a, tbedda tmenneɛ anɛam-nnes s ijjen lxezrat d tawuruppawit, awerni i xirebbi n iseggusa n usinef.
Xenni, yenna Mohand Tilmatine deg wawal-nnes i tɣemsa, belli asenfar-a ittas-d maḥend ad issgem tutlayt-a, ad temneɛ amkan-nnes deg uswir adelsan, amen iwekked belli manaya “ittadef deg ict tmuɣli d tawuruppawit”.
Ḥaca tamezdayt n umelqi-ya, Salma Halifa, tessplika belli aqa dinni lxedmet x uswir n A1 n Tmaziɣt, amen twekked ila udfent deg-s timeslayin i yeqqnen ɣer wefham n wawal d tira.
Zeg uɣezdis-nnes, tessemɣer Fadela Muxṭar s umelqi-ya wanita, amen i tbedd ɣer lhimmet i ɣer-s ɣer Tmaziɣt i yellan “d agla icrek n merra ayt Mlilet”.
Amek yettwassen, ila asit n Tifray ula d netta yeḥḍar deg umelqi-ya, yessreɣ tifawin x ttejriba-nnes deg yiger n tɣemsa Tamaziɣt i yuran.