Ass-a n jjemɛa, 19 Febrayer, tebda dzayer trexxu-d iwaṭṭas n inecraf isertanen yettwaṭṭfen x lḥirak. Manaya yus-d zegga i istexteb uselway n Dzayer Ɛebdelmajid Tebbun iḍennaḍ n lexmis 18 Febrayer. Yenna belli yeggur ad isnufsel i waṭṭas n imeɣnas yellan di leḥbusat.
Mamec tenna tagrawt tanamurt n inecraf belli aqqa bdan rexxun-d i waṭṭas n inecraf di tneddam n Dzayer. Ameknaw Cclef, Tamenraset, Sɛida, Tebsa d Lemsila. Ar lux, ɛecra n inekraf umi i d-rxun. Ɛebdelmajid Tebbun ttuɣa yenna belli 30 n imeɣnas teḥkem x-asen lmeḥkama ad asen-d-irxu, aked inniḍen ɛad wer x-asen teḥkim. S kulci, tteggen jar 55 d 60 n unecraf.
Di Lmuɣrib, aṭṭas n midden ɛad ttlaɣan ad d-rxun i inecraf n lḥirak n Arrif d ijurnalisten i yettwaṭṭfen maca walu ɛad. Waxxa ttuɣa yezwar-as irexxu-d i ca zzag-sen. Aked manaya, lmuɣrib yeggur ad ibedd ɣer wektay wis 10 zeg wami i yeḍḍuqqez umussu n 20 Febrayer. Aktay-a yus-d deg ijjen lḥal mani aṭṭas n midden itterran taynit i tseqqar n yiwdan. Qqaren ila Lmuɣrib idwel s tindeffart di min iqqnen ɣer uweqqer n tlelliyin d tseqqar n bnadem.
Tala: Maghreb voices
Ɣer ɛawed : Human Rights Watch: Lmuɣrib d Dzayer waxxa ttemseɛdawen maca « sessɣaḍen » ijurnalisten