19.1 C
Nador
Jjemɛa 12 Yebril 2024

Tiɣri: Aklasi‑ya idammen wer zzag‑s ttiwi Corona walu!

Mkur twalat min ttafen imussnawen d amaynu x Corona. Min itirar uklasi n idammen, rezzun dag‑s ca n imussnawen di Nnemsa (Austria).

Tesned man idammen ɣer‑k (lfasila)? iwdan iticcen idammen qaɛssnen ma ɣer‑sen A, B, AB niɣ O. Manayenni itemsebḍa di tdarrin tizegʷaɣin n idammen, niɣ mara nxess ad nalleɣ, wenni d apruṭin n idammen. Qqaren‑as ɛawed “Antigen”. Xmi wer ttifen Antigen x tmuwwa n tidarrin tizgʷaɣin, ruxnnit nessawal x uklasi “O”. Iwdan ɣer yella “A” dag‑sn Antigen “A”.

Asistim n ABO

Min d yewyen manaya ɣer ubirus n Corona? Min ɣer iwḍen di Nnemsa, izwaren ɣer‑s Icinwiyyen. Eva Maria Matzhold d Thomas Wagner i yellan di University klinik n trezzut deg iklusay n idammen ufin belli: iwdan ɣer yella idammen O heddcen qell s Corona x yenni ɣer yella A, B, niɣ AB. (Orf.at)

Di leḥsab, iwdan ɣer yella O drust zzag‑sen i tleqqef Corona

Di tɣuri nsen, xzren 399 n yewdan helken s Covid-19, iwden zzag‑s ar seppitar. Yenna Thomas Wagner i yjurnalisten: Nufa belli iwdan ɣer yela O, s leḥsab ɣer‑sen arrisk d amzyan ad helken s Corona, inni ɣer yella AB hellken zzag‑s aṭṭas.
Mana ḥekkren‑as Icinwiyyen qbel, ufin aṭṭas zeg inni ihelken s Covid-19 ɣer‑sen idammen “A”, drust waha zeg imehlak ɣer yella “O”. Mamek la d ijjen trezzut nniḍen di Uruppa, tufa belli iwdan ɣer yella “A” qayn di 50% n lxaṭar ad ten‑tessidef Corona seppitar. Iwdan ɣer yella O, wer zzag‑sen tewwi walu.

Maca imussnawen qqren belli ixessa iwdan marra ad ḥḍan waxxar ɣer‑sen “O” ixf‑nsen, minzi tɣuri‑ya n statistik waha, wer tebni ca x trezzut n llabur.

I kenniw, tesnem man aklasi n iḍammen ɣer‑wem?

Ɣer ɛawd:

Tacmant, Tikumam, Tikmamin, amxumbel n ddunect!

Timaynutin

Aqelɛi
Aqelɛi
Abdelmajid Akalai

Fser-itt