Zegga imḍebbaren di temdint n Miḍar, wer rrin ca taynit i lebni aqdim i yebna uspanyu (lqecla taqdimt niɣ tamzyida n tɣuri n Σzib Miḍar) maḥend ad ten-ɛedlen. Kkren-dd iḥudriyen n Miḍar maḥend ad ssuḍen ijjen buḥbel d jjdid di lebni-ya aqdim. Mani dewlen leḥyuḍ n Miḍar (Abilaj-nnes) resmen dag-sen lebni-ya iddakkʷalen ɣar tungimt n ubilaj-a.
Tasentayt-a tegg-itt “One love” s twiza n unaẓur Ḥmed Aεrus i dasen-iggin arrsem-nni x leḥyuḍ.
Aṭṭas n ibilajen di Arrif ggin amecnaw tasentayt-a tanita. Iḥudiryen deg wakud n ubelleɛ ferḍen ibriden. Beyyḍen leḥyuḍ, thillan deg ibilajen-nnsen. Di lweqt mani imḍebbren ikka x-asen yiḍes.