Ass n 20 dujenbir 2024 tegga Tamesmunt takademit tamaziɣt (Amazigh Akademie e.V.) di temdint n Frankfurt ij n tmeddit n umezgun d tɣuri, Tameddit-a teswiza deg-s Theaterperipherie d Jungen Theaterwerkstatt am Zoo.
Tiḥuja n Ḥenna – Zi min ttɛawadent teqdimin. Ɣrin deg-sent Fatima d Mustapha d Hicham, s ij n tɣuri d tamzgunt, tewca-sent aṭṭas n tcuni i tḥuja-ya. Tnayen n tḥuja zeg wedlis n “Nnan di zic n wussan” n umari Hicam Beɛɛu. “Insi d wuccen”, d “uccen d weɣyul” aked iɣennijen s tnixt n artista “Amine Dio”, yejja inewjiwen n Amaziɣ Akademie ad sseɛdun ij n tmeddit tecna.
Tamddit-a ḥḍarn deg-s iwdan usin-dd zi tneddam iggʷjent am Aachen d Köln, mamec dd-usint aṭṭas n tḥennatin d iḥenjiren imeẓẓyan.
Ɣer uneggar tewca tmesmunt awal i marra wi yeḥḍarn, ad cerken ixarrisen-nsen d imunas-nsen. X uneggar tessiwel tmesmunt x min teswejjad i yimal, am ficta n Useggʷas amaynu ass n 19 yennayer, d uselmed n tira i ɣa yilin di radas.
Cwayt n ifuṭuten zi tmeddit n umezgun d tɣuri.
