Xmi txezzred deg wudem n ca n bnadem, tẓerred mamec ggin wammiwen-nnes. Maca, ma tesseqsid ca n twalat mayemmi anẓaḍen n wammiwen wer ggimen am ucewwaf n uzellif-nnwem? D ta d tamrarut xef useqsi-nnwem.
Mamec ggamen beɛda wammiwen?
Yenna asit n “Focus” Aliman ila tyumi n ccɛar di arrimet ittekk x waṭṭas n tferkiwin imsebḍan.
Ccɛar n ucewwaf day-s anẓiḍen n ucewwaf uca ibda iggam. Deg umezwaru deɣya deɣya yeggam. Min iqqnen ɣer tazzla n tyumi n ucewwaf ittemsebḍa zi bnadem ɣer wenniḍen, alaḥsab tijinitin-nnes. Maca xminni ibedda ucewwaf iggam cwayt cwayt, xenni axmi “itteɛqab ɣer deffer”. Uca ttewhinen inẓiḍen ar ɣa yewḍa deg umeggaru. Di tefrekt tameggarut, tbedda umi qqaren “ttilujin”, uca ɛawed ileqqeḥ-dd ucewwaf.
Ha mayemmi wer ggimen wammiwen deɣya deɣya?
Weṭṭu n iẓeṭṭuten n ucewwaf d ijjen upirasyu d afizik, d ijjen tecwiḥt zi tedwwirt n tgumi n ucewwaf. Wer din bu beṭṭu jer tgumi n ucewwaf deg uzellif niɣ deg wammiwen. Maca min ittemsebḍan d cḥal ittekk di tyumi n mkur amkan deg imukan illan di arrimet. Manayenni iqqen ɣer min illan d ajintik. Acewwaf n uzellif izemmer ad ikk iggam xemsa n iseggusa ar ɣa yebda iweṭṭa cwayt cwayt. Maca ammiwen, ttekken ḥa drus waha, tettekk yalleh ijjen cher. Tadewwirt n wammiwen tettekk jar rebɛchur d ɛcerchur.
Mala weṭṭan ammiwen-nnec, manaya ixes ad yini qa din ca n ssibet-nneɣni aked min illan d ajinitik. Am weḍfar n ijjen arrijim wer yeḍbiɛ, ahtuti, tewsar niɣ tikkest n wammiwen s waṭṭas, ar mani dewlen wammiwen wer zemmren ad xelfen. Aya x yiri n “Focus” lebda.