Lmuɣrib yeggur ad ibelleɛ fruntira n Mritc. Ammu ig yenna usit n Hespress. Asit-a yenna belli Ispunya ttuɣa ttrajan Lmuɣrib ad yerḍeb, alaḥsab mayen ittekken x usxinctar ameɣrabi d lweqt d aεeffan. Maca awzir n dixel ameɣrabi, Σebdel Wafi Leftit yeṭṭef deg wawal-nnes.
Leftit yenna belli iggur ad ɛewwḍen lwacunat ig ixeddmen di ttrabandu. Imeɣrabiyen qqaren: “aqqa ttrabandu wer ittḍerri ca ɣir asxinctar ameɣrabi waha, maca ixebbec ura d fuṭu n temɣart ig ixeddmen deg yiger n ttrabandu“. Araḥar ca n 3500 n temɣart ig ixeddmen deg yiger-a d 200 n uḥenjir d amezzyan.
Abelleɛ-a n Fruntira, amec qqaren aṭṭas n yiwdan, yeggur ad zzag-s nḍarren aṭṭas n lwacunat i dag-s ixeddmen. Ad idwel s mayen illan d aεeffan x Arrif. Mamec asxinctar n Ayt Nsar d Nnaḍur ad yecc ticti d tameqqrant.