Zegga i imekkes uẓeyyar x Arrif, bdant-id ttbanen-dd addaden d jjdid n iwdan i yelqef Kuruna. Beddu zi Nnaḍur mani ufin tnayen n waddaden, rni x-as di Miḍar mani ɛawed temmerni ijjen tmehlukt s Kuruna. Di Biyya icten nniḍen ufin dag-s Kuruna txeddem deg ijjen ukulij.
Tamerniwt-a deg imehlak ig iksin Kuruna, din wi yettwalan ila manaya nurmal, minzi Lmuɣrib ikkes cwayt n ẓeyyar n ubelleɛ, mayen yejjin midden ad muttyen jar tneddam.
Maca ɛawed, djan wi iqqaren ila iwdan ixess-asen ad ksin ḥadur-nnsen, jarkter zegga nnurẓmen igmiren aked Imarrak i dd-itteɛqaben maḥend ad sseɛdan vakansi di Lmuɣrib, zemmaren ad kid-sen ksin abirus-a zeg Uruppa.
Ittɣima ila imezdaɣ ilaq ad ggen tizemmar-nnsen, ad ḥeṭṭan tazdugi-nnsen maḥend wer ifesser lehlak-a aṭṭas di Arrif.