Amsagar-a ḥḍern deg-s aṭṭas n isiyyasiyyen zeg wegraw afusi n AFD. Manya ifḍeḥi-t-idd usinag n trezzitin Correctiv. Amsagar-a yemsar deg-s wemsalwal d planu. Mamek ɣa ggen ad ssufɣen imelyunen n yewdan zeg uliman, la d Yenni ɣa llan lekwaɣeḍ d ilimaniyyen.
Deg ij n wuṭil di temdint n Potsdam, msagaren di nuwenbir aṭṭas n wudmawen s yisem n wegraw n AFD, aked ifussiyyen d yewdan itticcen tinɛacin. Msawalen deg umsagar-a x ij n Planu, i zi zemmern ad ssufɣen imelyunen n yewdan zeg uliman. ḥḍaren din aṭṭas n wudmawen i yettwassnen di pulitik.
Ad ssekken imenneɛraq ɣer Wafrika
Martin Sellner i yellan d ixef n Identitäre Bewegung (anhezzi n tnettit) icerreḥ planu-nnes: Iwdan ɣa ssufɣen zeg uliman, a tenssekken marra ɣa ij n “Wemkan deg ij n tmurt di tqiccit n tefriqt. ” Amcan ɣa yeksin ar tnayen imelyunen n yewdan. La d Yenni ittbeddan aked imenneɛraq d yeḍriben, a ten-ssekken.
Rolan Hartwig i ttuɣa yellan d amɣar n wegraw n AFD qbel. Ɛla ḥsab tarezzut n Correctiv, iqbel planut n Sellner, a ten-yeksi kid-s deg wegraw n AFD.
![](https://tifray.com/wp-content/uploads/main-header-2890x1580-2-scaled.webp)
Mayemmi manaya yessaggʷad?
Girrat, lazmat, d yewdan wer dasen teɛjib lḥukuma n jjdid, igga langri urid i wegraw n AFD (ifusiyyen) waha, maca aṭṭas n yegrawen d jdid xellqen-dd deg uliman, d ifusiyyen.
S Tenɛacin i zi swizan yewdan ifusiyyen deg umsagar-a, xsen ad nhezzen deg wantirnit (Social Media), ad ggen arriklam i yixef-nsen. Hartwig yenna belli Agraw-nnes yewjed ad yewc tinɛacin.
Urid Hartwig waha, maca la d ca n ibarlamaniyyen n AFD, iɛjeb-asen Planu n Sellner.
Agraw n AFD yenker, Lmexzen yeḥḍa
Correctiv tesseqsa agraw n AfD, AfD yenker belli ɣer-s ca n tɣuni aked iwdan am Sellner. Asiyyasi n AfD Siegmund i din yeḥḍern ula d netta, yenna belli ttuɣa-t din s yisem-nnes netta, maci s yisem n wegraw. Isiyyasiyyen nniḍen wer rrin ca x useqsi n Correctiv.
Tamɣart n wegraw n AFD tsbedd lxedmet aked Hartwig, Maca waxxa amenni, iḍennaḍ ffɣen luluf n yewdan deg waṭṭas n tneddam, ɣewwɣen x ifussiyyen, Mamek tettren zi lmexzen ad yesbedd agraw n AfD.
Aɣewweɣ n Potsdam yeffeɣ deg-s ula Olaf Schultz, Atarras amezwar Uliman. d Annalena Baerbock. Xsen a mlen belli aqqa-yen kunṭra i ifusiyyen.
Lmexzen n Uliman yessers tiṭṭawin x trezzut n Correctiv. Yessemselqa tarezzut-a aked trezzutin nnes.