Yura usit n Nadorcity belli Ttamek yebda ad yesmutti inekraf n Lḥirak i ttuɣa yekksen x macca ɣer yijjen leḥbes.
Mamek tenna belli ass‑a smunen inekraf di Tanja, waxxa nitni ttuɣa ttettren ad mmuttyen ɣer selwan. Maca marra inekraf smuttyen‑ten, kkes zzag‑sen Naser Zefzafi, d Nabil Aḥemjiq.
Naser mazal wer yelli ca mliḥ di sseḥḥet‑nnes, s uyenni ad iɛeṭṭer usmutti‑nnes. Nabil yixḍer ad kid‑s yeqqim di Ras Lma (Fas) ar ɣa yeggenfa. Ɛlaḥsab min dd-yusin di Nadorcity.
Inekraf kksen 25 n wussan x macca, ttettren zzag‑s ad ten-smunen deg yijjen leḥbes, mamek ttren ca n tmeslayin nniḍn. Sbedden tikkest x macca ass n 8 cutenbir, zegga dasen-ucin awal a dasen-ggen min ttettren.