Yenna-d Muḥemmed Aḥemjiq, uma-s n unecraf n unhezzi n Arrif, Nabil Aḥemjiq. Min xef ḥekmen s ɛicrin iseggusa, belli imeddukal n uma-s ttlaɣan ɣer usedder n tmettant n Muḥsin Fikri, ass n 28 Kṭuber. Mamec i d-yenna Uḥemjiq x facebook-nnes belli inecraf n Arrif di leḥbes n Ṭanja, nitni d: “Muḥemmed Ḥaki, Samir Iɣid, Zakariya Aḍehcur, Muḥemmed Jellud, Naser Zzefzafi d Nabil Aḥemjiq” ttlaɣan ɣer usedder n wektay n Muḥsin Fikri ass n 28 Kṭuber d tajmilt i netta. Aya ad yili ɣer 10 n yiḍ.
Aked manaya, iwekked Zzefzafi, ila ixess x imezdaɣ ad jjen ifuraḍ di taddart djiret-nni. Wer ten-ssufuɣen ca minzi amek yettwassen Muḥsin Fikri netta ittwaḥri deg Uqamyu n ifuraḍ. Ad ggen deg wemkan-nnsen nnewwac.
Muḥsin Fikri ttuɣa yemmut yiḍ n 28 Kṭuber 2016, mayen isḍuqqzen anhezzi n Arrif isiɣan ca n sebɛ chur. Qbel ma ad ttwaṭṭfen imeɣnas n Lḥirak ɣer Leḥbes.