Aṭṭas n ifaysbuken Irifiyen uran-d x uneɣmis n usmutti n inecraf isertanen n Arrif i yellan di Fas ɣer Spiṭar. Lerifain iwweḍ ad yessen ila CNDH n Fas iqqim aked inecraf isertanen, x uzellif-nnsen Naser Zzefzafi d Nabil Aḥemjiq. Maḥend ad kid-sen rzun x tutriwin-nnsen. CNDH ttuɣa ibedd x seḥḥet n inecarf mamec tedwel ɣer deffer. Ad yili d manaya i yejjin weyyen inecraf ɣer Spiṭar maḥend ad ilin udsen ɣer iḍbiben. I yeqqaren ca zzag-sen.
Alifpost yenna belli lmexzen yejja “asaḍaf n leḥbusat” d “taḍa tameɣrabit n tseqqar n wemdan”, maḥend ad raḥen ad ẓuren inecraf isertanen di leḥbusat. Manaya d jjdid di ddusi n inecraf mani ttuɣa lmexzen ittẓeyyar x-asen aṭṭas.
Ddusi n inecraf idwel ɣer-s amcan di berra. Maci ɣir zeg ibedditen itteggen Irifiyen di berra. Maca qa iggur ad sekken ca n iberlamaniyen ijjen tebrat ɣer ujellid d wemɣar n lḥukuma tameɣrabit ḥuma ad zzag-sen ttren ad snufslen inecraf isertanen di Arrif.
Alifpost ɛawed iqqar ila qa din ca n iwdan ɣer daxel i lmexzen ugin ad jjen CNDH ḥuma ad temsawaḍ aked inecraf alaḥsab asnufsel-nnsen. Manaya zegga isnufsel lmexzen i inecraf n Ṭanja, kkes zzag-sen illa Muḥemmed Jellul.
ɣer ɛawed:Tafra: Mala yuqeɛ ca i tarwa-nneɣ di leḥbes ad ittwadenna x yiri n Ttamek
ɣer ɛawed: FNAA teswiza aked inekraf n Arrif