Yura-t: Rachid Amellaḥ
Deg iseggusa i yeɛdan, iban-d ijen bnadem wis tlata ittari s : niɣ nican s *.
Min yexs ad yini manaya?
Amarikan niɣ ccarikat-nsen ssufɣen-d * ḥima ad rnint bnadem wis tlata ɣar temɣart d wargaz. Bnadem wa wis tlata qqaren ira ad yiri d aryaz d temɣart, ira war ittwiḥssib ca d aryaz waha niɣ d tamɣart waha.
Carikat umarikan xeddment marra di dunect uca xsent ad rren iwdan marra sawalen niɣ ttarin s *.
Mara turid ca n tebrat niɣ imayl, aṭṭas n yewdan sxeddamen deg ufirmar (Signatur)-nsen he/his/him/hers
Qaren s manaya ira neccin zeɛma aked yenni i ɣa tella tebnademt wis tlata. Melmi mma teslid i arradiyu, niɣ teẓrid ttribisyun, niɣ teɣrid ca n ujurnal, a deg-s tafed bnadem wis tlata. Nec ɛad war zriɣ bnadem-nni wis tlata di tudert-inu.
Imcumen-a irumiyen xsen a daneɣ-sbuhelyen.
Yelli Masilya tusa-dd ij n was ɣer-i, lami i dd-trewweḥ zeg uɣerbaz (tamezgida), tenna-ayi aqa ijjen yeqqar akid-i, umi qqaren Moritz, aqa netta ɣer-s tnayen n tyemmatin. Masilya nettat wer tzemmared a xas tt-tessekked. S manayenni, fekkreɣ uca nniɣ-as. Masilya, cem mechar n tyemmatin i ɣar-m? Terra-dd xafi, tenna-yi: icten. Nniɣ-as ɛawed, Masilya, mechar n baba-m i ɣer-m? Tenna-yi ijjen.
Sseqssiɣ-tt, nniɣ-as tajjart umi qaren Rosalie, mechar ɣer-s n tyemmatin? Tenna-yi ijten. Nniɣ-as i mechar n baba-s? Tenna-yi ɛawed ijjen.
Xzaregh di Masilya, uca tenna-yi: Awah a Baba, ssneɣ!!!
Aɣerbaz alimani yebda ad yerni ssa ɣer ta.
Wenni yexsen ad yedder mamec yexs, wer das-yekkis ula d ijjen. Zeɛma ad tegged lḥajet s uɣir x wenneɣnit. Manaya ttwaliɣ d attas, necc wer x-as tmardzeɣ ca.