Munir Lḥeddadi, Arifi ig ittiraren aked Sevilla irebḥen kuntra i Inter Milan di lliga Tawrappawit s 3 n iɣulen ɣer 2. Di ficta i di ttuɣa kessin imiraren ibanduten n tmurt-nnsen. Ixḍar mmis n Arrif, Lḥeddadi ad yeksi banu n Tmaziɣt. Brahim Afellay ra d netta tuɣa yegg-itt zegga tuɣa ittirar aked Barcelona.
Aṭṭas n Ispunya ttuɣa ttmesqsan x marka n ubanu i yeksi Munir. S uya Elmundo teks-idd ijjen uneqqis d ameẓẓyan, tura-t EFE. Tefsar dag-s amezruy n ubandu n Tmaziɣt d ikuluren i dag-s.