Zemmren iwdan i yellan di lxarij ad sɣen idlisen s Tmaziɣt n Arrif; din adlis n usefru n Majiq Aqelɛi i yura “Merwes-iwdan”. Ttuɣa yeffeɣ-d udlis-a di simanat-a i yeɛdan, d ijjen udlis mindi llant aṭṭas n tqessisin, ttwarint s ijjen wudem yeccur s tiɣist.
Tzemmrem ad tettrem adlis-a ssa “klikam da“.
Adlis-nniḍen n usefru n Andichi Chahid, qqaren-as “zi lwacun n tmurt”, day-s ca n tqessisin s ijjen buḥbel d amaynu, kul taqessist teksi ijjen uwardi d ca n tmenna, mani i x-asent yessawal di tzemmimin i yeḍfaren mkul taqessist.
Ttrem adlis-a mala “teklikam da”.
Adlis-nneḍni qqaren-as “Amsafaḍ aked ujenna” d ijjen wungal i yura Muḥemmed Farisi, tzemmrem ad tettrem s “ukliki da“
Deg useggʷas n 2022, yesturjem-d Abderrahman El Aissati, amussnaw n yiles n Tmaziɣt, ijjen udlis d zi Thulandit ɣer Tmaziɣt n Arrif.
Adlis-a yegga-as i yisem “Sarah d řexyař n llwanat”; ameggaru-ya yura-t Ron Leunissen, yeksi jar tefray-nnes ca n 31 n tafart. Zemmren ad t-ɣren yewdan i yettexsen ad lemden Tmaziɣt niɣ iḥenjiren zi 03 n iseggusa ar 18 n iseggusa.
T.inni i yexsen ad sɣen adlis-a zemmren ad t-id-kumandan zi Amazon: (klikam da). Mamec yella adlis-a s wudem n tefransist niɣ s thulandit.
Ijjen udlis-nniḍen, isturjem-it-id El Aissati di 2021 qqaren-as “muɣamara di tegzirt n iksan n waman” i yura Ron Leunissen, yeksi jar tefray-nnes ca n 62 n tafart.
I yinni niɣ tinni umi yecqa adlis-a wa, tzemmrem ad tt-id-kumandam ssanita (kilkam da)
Yesturjem-d mamec ɛad Khalid Mourigh, amussnaw n yiles n Tmaziɣt, ijjen udlis d amaynu zi Thulandit ɣer Tmaziɣt n Arrif.
T.inni i yexsen ad sɣen adlis-a zemmren ad t-id-kumandan zi Amazone (klikam da)
Amek yettwassen, yezwar-as i Khalid Mourigh isturjem-d adlis n “Bib Tweḍḍar-as yemma-s” (2021), De gast uit het Rifgebergte: het leven van een Marokkaanse arbeider (anewji zeg idurar n Arrif) (2021), aked uyenni yessufeɣ-d netta d Kossmann adlis n An Introduction to Tarifiyt Berber (Nador, Morocco): IV/1 (2020).