Yessufeɣ‑dd artista mmis n Arrif Badr Buskuci deg wass n retnayn i yeɛdan (27.07) ijjen lxedmet d jjdid. Ad temmarni ɣer Biblyutika n uɣennij Arifi, mamek ɣa temmarni ɣa lexdayem yecnan n Badr.
A Yelli‑inu yelli, melmi d lfal nem!? Aɣennij n Saɛid Zerwali, iwalen n uzlawi Xalid Herfuf, iɣennej-it Zerwali zik s Akustik d useffar. Buskuci iɛawd‑as aɣennej s ijjen musiqa d tamaynut, i das-yarnin tcuni i tniɣt n Badr ɣa tenni ɣer‑s.
leRifain yesseqsa Badr buskuci, mayemmi yexḍar aɣennij‑a wa ad as- iɛawed? Badr yenna belli iɛejbas min xef yessawal uɣennij,
“neccin arbɛa n temɣarin wer ɣer‑neɣ yelli di Tussna‑nneɣ, Arrif waxxa dag‑s imselmen, maca neccin ɣer‑neɣ ict temɣart i wur”.
Zeg ijjen uɣeẓdis nniḍen, iɛejb‑as i Badro mamek yexdem uɣennij n Zerwali, ifekkar ad xaf‑s yerni x lqaleb n uɣennij n Zerwali ijjen musiqa d tamaynut.
Badr Buskuci d ijjen Artista itteggen isuraf tmarsan mani wer ten‑ixeṭṭi. Zag‑s amarezzu deg iles d tnettit Tarifiyt, zag‑s ameɣnuj, azlawi, ittkumpuza ittmiksa nnit. Nzemmer ad xaf‑s nini d Studio yeggur x iḍaren‑nnes. Ɛawd d ijjen utarras yegga tudart zdat‑nnes d aremmud, mkur twarat iremmed rḥajet d ttamaynut.
Zeg iɣennijen i ɣer‑s nnes, Yemma, i yura netta. Mamek iɛawed aɣennej i “waxxa nec teɛyareɣ” n Ccab Mustafa, d “tarzeg xaf‑neɣ tudert” n Waḥid taziri.