Tettwaḥsab zi tuqlilin-nni i isiɣan x wefsar n udlis Amaziɣ, ha aqqa tazlawit tarifit Ḥayat Buterfas, tessufeɣ-d adlis-nnes amaynu n tqessisin umi qqaren “Aẓekku”.
Adlis-a wa yus-d zegga i das-yezwar i tezlawit-nneɣ tessufeɣ-d ijjen udlis n yezlan umi qqaren “Aẓuyyet” di min yeɛdan n iseggusa.
Ila teslellac zi lebda, Buterfas, azzreg aseklan di Arrif s wecrak-nnes deg waṭṭas n imelqiten n usefru mani ila tessawal s tniɣt n tewtemt tamaziɣt.
Nessen-itt d taselmadt n tutlayt tafransist, am mamec i das-icqa ad terzu di tsekla tamaziɣt d nettat i iɛelmen ijjen master teksi-t-id zi tɣiwant n Nnaḍur.