22.1 C
Nador
Ttlat 28 Mayyu 2024

Amquṭṭes n daxel di Sudan: imelyunen n yewdan irewlen!

Amenɣi n wayen jer-asen di Sudan, yejja luluf n yewdan ad rewlen zi girra. 

Yemmerni umenɣi d umquṭṭes i yellan di Sudan jer Lɛeskar d RSF. Tamdint n Djazira ila deg-s lehna, lexxu yebda deg-s la d nettat umquṭṭus. Myayat n luluf n yewdan trakkwalen ssenni. Manaya tessawal x-as tmunett tamaḍlant n wenɛaq (IOM).

Rapid Support Forces (RSF) udfen tamdint n Wad Medani di cehar-a. Simana-ya tenna RSF belli teḥkem di temdint n Wad Medani. Tamdint-a tiggʷej 100 kilumiter x Lxarṭum.

Iwdan trakkʷaren x iḍaren.

Lɛeskar yenɛem s manaya, yedwel ɣer deffar. IOM tessawal x 300.000 n imenneɛraq i yerwlen, aṭṭas zeg-s x iḍarn. Rezzun ad nnuffren di jjiht n Al-Kadarif, Sinnar, d nnil acemlal. Ca iwḍen tudrin n imenneɛraq, ca yufa mani ɣa yeffer da d diha waha di ledcur.

” wad Medni ila yellan deg-s lehna, teffren deg-s inni dd-ittrakkʷalen ssa d ssiha, neggʷed ad yedwel d taxcebt n lmewt” yeqqar Pierre Dorbes, zi kruc azeggʷaɣ di Sudan. 

A ten-ineɣ laẓ!

Djazira tettwaḥsab d tasraft n imendi n Sudan. Zeg wami yebda umenɣi, rewlen-dd ɣer-s (ɛla ḥsab OCHA) kṭer zi setta melyun Isudaniyyen. Azgen ameqqran zi lxarṭum. Sudan ddren deg-s 45 melyun n yewdan.

Aprugram ameḍlan n macca (WEP) yenna belli lmuɛawana di Djazira tbedd. Minzi yeqsaḥ a din ssiwḍen twiza. Di Djazira nnan belli ɛawnen 800000 n yewdan. Zeg-sen aṭṭas n familiyat. 

Zi melmi lexxu din amquṭṭes jer lɛskar, i xef iḥekkem arrayes n ddewla Abdel Fattah al-Buhran. RSF nettat yeḍḍebbar-a deg-s Mohammed Hamdan Dagalo. Deg abril yeɛdun yebda umenɣi jer-asen. Dinni mani dd-rrint aṭṭas n tmura n barra, iwdan-nsen zi Sudan.

Lɛeskar n RSF imun deg 2021, maḥend ad nqelben x leḥkam i din di Sudan, ad ṭṭfen leḥkam n sudan. Manaya yenneqleb ɣer umquṭṭes n daxel.

Timaynutin

Fser-itt