Lerifain: zi Kaṭaluniya.
Ass a, 23 zi yulyuz, d ass n wedlis d tnewwacin gi Katalunya, Sant Jordi n unebdu Ass n wedlis ittas-dd lebda gi 23 zi yebrir (Sant Jordi n tfswin).
Maca anuffar n yewdan s Kufid-19 irra tallest x wass-a asebḥan i ḥr ttrajan imezdaɣ d tmezdaɣ n Kaṭalunya ḥuma ad wardan i wayaywa tinewwacin d yedlisen.
Tanbaḍt n Kaṭalunya, tugi ad terr afrag s tfaska n wedlis n useggʷas-a, tesmutti-tt ar yulyuz. Ass-a ur ttwardan ci bezzaf n tnewwacin, maca ad mmenzen yedlisen x yebdriden d tsedlisin n Kaṭalunya ḥuma ad ixdem wedlis, ad texdm tdelsa.
Manaya issawaḍ-aneɣ-dd ijjt n tewlaft x weydud akatalan teccur s tayri n tɣuri d tayri n tsekla. Amuk dd-tesswaḍ uḍuf n waydud-a gi tdelsa-ines d leɛwayed-ines.