Le Rifain
Ass n 18 yulyuz zi mkul aseggʷas, tixḍar-it UNESCO ass n 10 nuwanbir 2009 bac ad yili d ass amaḍlan n Nilsun Mandilla, ass-a ittemqudda aked wass n tlalit-nnes. Yettwagg d ass amaḍlan s yisem-nnes, d ijjen usemɣer zeg-s netta d min yewca i tdelsa n wefra d tlelli ɛlaḥsab min tenna UNESCO.
67 n yiseggʷusa n tɣensa di tudert-nnes, Ilul Mandilla di teqbilt n Hawsa (Xhosa) iɣra izerfan di tesdawiyin di Tefriqt n yeffus, idder di Juhansburg, deg-s ig idwel d ameɣnas kuntra i yimesdurriyen, yudef deg yijjen ukabar n wegraw anamur Afrikan. Zegga wwḍen yifrikanen ifusiyen ɣer leḥkam di 1948 bdan tteggen lferz jer yiberkanen d yicemlalen. Da i dd-iban netta ittegg tizemmar-nnes di lxedmet-nnes n ubuɣaw d tuɣensa-nnes deg ukabar, ittwaṭṭef aṭṭas n twalatin, uca ḍellqen-as, di 1961 yettwaṭṭef, teḥkem x-as lmeḥkama s leḥbes tudert-nnes amen tekmel. Ikka Mandilla 27 issgusa di leḥbes, aṭṭas n uɛebbeẓ i yettwaggen x Tefriqt n yeffus maḥend ad snufslen argaz-a, ar mani i das-rxun di 1990, di 1994 ad idwel d aselway n Tefriqt n yeffus.