Yenna-dd Ḥmed Zzefzafi d Xalti Σaliya deg ijjen live x Facebook, belli tarwa-nnsen (Naser d Nabil) udfen di tikkest x macca. Adaf-nnsen di tikkest x macca yus-dd zegga i ten-bḍan s tnayen idsen x wayawya di leḥbes n Ras lma di Fas.
Adaf-a nnsen di tikkest x macca tuɣa-t zeg wass n jjemεa i yeɛdan. Mamec i dd-nnan lwalidin n inecraf ila tarwa-nnsen tettren zi midden ad kid-sen swizan s wadaf x tikkest n macca zi 06 n tuffut n lḥedd ar 06 n tuffut n letnayen i dd-igguren.
Tayemmat n Nabil Aḥemjiq tenna belli tarwa-nnsen wadjin d iceffaren n igelwan niɣ d iqettalen. Maca nitni yallah ttuɣa sɣuyyun x lḥeqq-nnsen, stahllen aweqqer. Tetter ɛawed ad ten-jemɛen di leḥbes n Selwan maḥend ad x-asen ihwen ad mmuttyen ad ẓren tarwa-nnsen.