Kuruna ttuɣa yeḥwaj yallah 32 n wussan maḥend ad immutti zi 32 melyun n imehlak ar 40 melyun. Qbel, ttuɣa yeḥwaj 38 n wussan maḥend ad imutti zi 20 ar 30 melyun. Mamec yeḥwaj 44 n wussan maḥend ad imutti zi ɛecra ar ɛicrin melyun n imehlak. Mani ttuɣa abirus ila yeḥwaj telta chur maḥend ad yaweḍ ɛecra melyun tamezwarut. Zeg wami i d-iban abirus di twalat tamezwarut di temdint n Wuhan Tacinwit.
Lehlak-a izemmem ca n nnumrawat uɛlan aṭṭas. Ttakkʷaḍen ar 400 alef deg wass. Deg yimalas i yiɛdan wwḍen nnumrawat ɣer ca 347 alef n imehlak deg wass deg umaḍal. Nettaf di tmura n Umarikan d Lhind, d nitnti d timura inḍerren s kuruna deg umaḍal qqaε. Awern-as-tent dinni Arrusiya, Kulumbiya, Braẓil, Miksik, Piru, Arjuntin…