Azwel: Addriwen n uẓuyyet
Anaw: Asefru
Amaru: Halim El Madani
Tawlaft n uɣamus: Mohamed Taibi
Timegga n uɣamus: Abdelwahed Taibi
Tasiggezt: Al Anwar, Selouane, Nador
Asrus azerfan: 2020MO3014
ISBN: 978-9920-39-977-7
Addriwen n uẓuyyet, d amud ameẓwar n yezlan/usefru n weẓlawi Ḥalim Lmadani. Asijj ameẓwar x wedlis‑a, ittic‑aneɣ ijt n tmuɣri tiliw x min yerbu. Ammen dag‑s deg iẓwel: Aẓuyyet. La d tawlaft das‑yegga artista ṬṬaybi, dag‑s aṭṭas n uẓuyyet, as‑tinid teqqar‑aneɣ min dag‑s deg wamud‑a. Aẓuyyet n ucal, n tyemmat, d ca nniḍen. Di daxel n wedlis, nettaf aẓlawi yura s usekkil Alatini, d usekkil n Tfinaɣ.
Mala tuɣa amaru xmi yettari isrusa zzates ameɣri, necc deg wemcan n umeɣri srusiɣ
Zi tmessizwart n wamud Addriwen n uẓuyyet
din ixef inu; ttariɣ i yexf inu, minzi meɛlik tuɣa kessiɣ amnus i ymeɣra ili war d tiseɣ.
Tayemmat, tamurt d min ɣer‑s yeqqnen d imunas, tira, tayri, d tina d tisfifin i di nzemmer a nsedda Tiqessisin n weẓlawi Ḥalim Lmaḍani
Uriɣ asefru,
Zi tqessist: Asefru
Ma d wenni d asefru ?
Melmi mma das sḥinnbeɣ
Ili yexs ad iru.
Wadem‑ayi a yarebbi
Taqessist: Tayemmat
Ttuɣa wer dayi itɣil;
Azal n tyemmat,
Ajenna wer t‑yeddil !
Tiqessisn isettfen deg wamud‑a, nettaf aẓlawi wer dag‑sent iceṭṭer di tmaziɣt yeqquren, deg iwalen d iqdimen, d yin d imaynuten. Mamec dag‑sent msebḍant tebridin n usefru. Jer min yeccuren s Umiṭafur, d min di dd‑ittas weẓlawi nican ad yini min yixs.
Bla awi err deg awal. Adlis‑a ɛad wer x‑as yeqfil useggʷas di tsedlisin, al mani ttuɣa das yeḍleq weẓlawi deg internet, ad tɣren yiwdan marra.
Ssa tzemmrem ad t‑idd‑tessehwam. niɣ ad t‑ɣrem.