Deg ijjen ulaɣi i baba-s, yenna-dd Naser Zefzafi belli netta ɛad iqqim x lεahed. Mamec ittetter ad rxun i merra inekraf isertanen x Lḥirak zzag-sen Lbacir Ben Cεayeb. Mamec ittbedda aked taqsuḥi n Muḥemmed Jellul. Iwekked Zzefzafi ila netta d argaz n umsawal.
Zeg ijjen uɣezdis nniḍen, tuɣa izwar i Naser Zefzafi d Nabil Aḥemjiq ttren zi lmendubiya n leḥbes ad munen aked Muḥemmed Jellul di Ṭanja niɣ di Fas kudkud i ten ɣa smunen di leḥbes n Selwan. Tutra-ya εad wer x-s tetterri lmendubiyya n leḥbes.