“ad yettwarsem ccarq amerwassu zi jjdid”, manaya i nnan aṭṭas n yenni iḥekkmen yisrayil, zeg-sen arrayes n lwizara binyamin natanyahu.
Abeddel n lmizan n jjiht n ccarq amerwassu, maci d ij n planu d jjdid n isehyuniyyen, manaya gguren a t-awḍen, maca ɛad tteggen-as planu. Ɛawed iban di ɣezzu-ya itteggen lexxu zi melmi!
Lxaritat d jdid!
Mkul twalat ttbanan-dd ca n imeqqranen n yisrayil s ca n lxarita d jdid, la d ijt wer deg-s Falastin, ijt zeg-s ksen zeg-s la d Lurdun!
deg wawal aneggar n di tmunt n tmura (lumam lmuttaḥida) iban-dd arrayes n lwizara n yisrayil yeksi tnayen n lxariṭat, ijt deg-s s uzegza timura i ked tegga kunṭrata n wafra (ssalam), niɣ qa tettegg akid-sent ifiran, am Misra, Ssudan, Limarat, Ssaɛudi, Lbaḥrayen, d Lurdun.
Lxariṭa nneɣni deg-s timura s uberkan, inna x-asent natanyahu qa menɛul i llant.Iran d imeddukal-nnes Surya Lɛiraq, lyamen d Lubnan.
Israyil teggur uca teccat, di mkul jjiht, di lweqt d ijt. deg ij n useggʷas, tewta di Filistin, Lubnan d Lyaman. Marra wi xef tettɛedda, ɣer Iran waha x yettɛawan-iten cwayt.
Lḥukuma n twalat-a n yirayil, d tafusiyt mseqqem, iwdan deɣya llehmen-as belli qat tturja “Israyil tameqqrant”. Amen yenna tayeb rajab erdogan, “ad ḍemɛn la di tmura-nneɣ jer dejla d lfurat, qqaren-t s uqemmum-nsen s lxariṭat i ked ttsewwaren, belli wer qniɛen ca s ɣezza waha”
Israyil wer tenkar ca belli texs ad terni aḥewwes ad tawi “DDiffa lɣarbiya”, a deg-s tessezdeɣ al melyun n wudayen, waxxa aṭṭas n tmura wer s qbilent.
Tamnawt i Yiran maca tucrikt aked yenniḍen!
Imusna n upulitik ttwalan belli Israyil txess ad teqḍa x wawal n yiran di jjiht-nni. BBC teksi-dd x Miri Aysin i ttuɣa d taxeddamt di lmuxabarat n yisrayil :”israyil wer txes ca ad tbeddel udem n ccarq amerwassu, maca txes ad teqḍa x yiran!
Zeg ij n jjiht nneɣni temmerni ttijara jer yisrayil d xemsa n wecriken d jjdid aɛɛraben d yenni iḥessben ixef-nsen d aɛɛraben, di tqiccit-nsen Limarat, misra, lbeḥrayn, d Lmeɣrib.
Ajurnal Ayisrayili Maɛarif, yenna belli limarat d. yisrayil firman kunṭra ad ggen lqenḍart jer-asen, ad yekk x Ssaɛudi d Lurdun, ad yeɛda al Misra.
BBC