![](https://tifray.com/wp-content/aggaj/ff50d68d1b.jpg)
Tenna-d tamawast n tɣawsiwin timeslmin belli iwdan ataf zemmren ad ẓallen tẓallit n jjemɛa di tmezgidawin. X manaya iggur ad nnurẓment ca n ɛcra alaf n tmezgida, maḥend ad dag-sent yili tẓallit n jjemɛa, aked tẓallitin nniḍen. Aya ad yili beddu-nnes zeg wass n jjemɛa 16 Kṭuber 2020. Tamwast, tenna belli iggur ad tegg tizemmar-nnes maḥned tiẓallitin ad ɛdant mliḥ, ad dag-sent yili uweqqer n umlaggʷaj jar imẓalla. Ɛawed, ad yili s twiza aked imḍebbaren nniḍen.