Ixḍaren Imawriyen n Ziland n jjdid ijjen tḥudrit i ɣer yella 27 n useggʷas d tagellidt, zegga i yemmut baba-s, i yettwameḍlen s wass x ijjen wedrar d “uɣris”.
Yenna Karaitiana Taiuru i yellan d amcciwer d adelsan i AFP : « d ijjen weqḍaɛ akked tnamitin n n mamec xeṭṭaren imɣaren ɣer Imawriyen mani amenzu, awtem, netta i yetteṭṭfen amkan i baba-s»
« Wer yekrih amaḍal amawri ad tili ijjen tḥudrit d nettat d Tamɣart» deg ijjen wakud i di ittemsaren aṭṭas n ibeddilen. I d-yenna umecciwer-a ɛawed.
Nga Wai hono i te po Paki, ammu i zi bdan ficta x ijjen tegzirt di ẓelmeḍ, mani i dinni d-usin luluf n midden.
Tagellidt-a n jjdid nettat i yellan weḥḥed-s d yelli-s n ugellid Tuheitia Pootatau Te Wherowhero VII, i yemmuten di laman deg was n jjemɛa i yeɛdan d netta ɣer-s 69 n useggʷas, amen i das-d-nnḍen lwacun-nnes, tamettant-nnes tus-d awerni ca n wussan d imeẓẓyanen zegga i yegga ficta x 18 n iseggusa zeg wami i yedwel d agellid, ɛlaḥsab mayen yenna umessiwel.
Gewwden-tt x udabu-nnes ca n yergazen s tiggaz d yedmaren d iɛeryanen s ca n flitcat n ficta, mani ijjen jjuq n temɣarin ttɣennjent-as amen irḍent aberkan.
Amen i das-ggin ijjen tidri s nnwac x uzellif-nnes d ijjen tfilut s yexsan n tezmegt x yiri-nnes, uca teqqim tgellidt-a tamaynut ɣer ṭṭerf n ttabut n baba-s amen ttuɣa yewdan i kid-s iḥeḍren ttẓallan, ttɣennjen akid-s, tteggen din leɛwayed n leɛzayet.
Maḥend ad tessekti tlalit n udabu n baba-s deg useggʷas n 2016, tecreḍ ijjen tiggezt x uqesmir-nnes.
Di min yeɛdan, ttuɣa teɣra tutlayt tamawrit d izerfan-nnsen di tesdawit n Waikato (tagzirt n ẓelmeḍ) i di tesselmed leɣnuj d ccḍiḥ n wegdud-nnes i iḥenjiren.
Tagellidt tis snat
Agellid abriṭani Charles III, netta i yellan d amɣar n ddewla n Ziland n jjdid, maca agellid amawri ittirar ijjen tilalt d tameqqrant maca bla ma ad ɣer-s yili ca n jjehd deg izerfan.
Maca waxxa amenni, ikessi ijjen tilalt d tadelsant d tameqqrant, ca n twalatin iɛedda ar mayen yellan d asertan, minzi netta d zamul n tmagit ɣer imawriyen.
Qqaren ila imawriyen qqarsen-d zi ca n tegzirin i yennḍen i Tahiti, tteggen ca n 17% zeg imezdaɣ izilandiyen n jjdid, s ca 900.000 n imezdaɣ.
Tagellid-a Nga wai d tagellidt tis tmenya zeg igelliden imawriyen d tgellidt tis tnayen.
Ḥenna-s, tagellidt Te Arikinui Dame Te Atairangikaahu, ttuɣa teṭṭef amkan-a 40 n iseggʷasen, ar ami d 2006.
S rebɛa n tɣerruba timeẓẓyanin n umeɣi umi ttlaɣan « Wakas », wwin-t ttabut n ugellid x wasif azegrar n Waikato.
Zi senni, ibedd uḥarraf-a n leɛzayet ɣer uḍar n wedrar “uɣris” n Taupiri. Zi senni, iraren imiraren n Arrigbi tilalt n iḥemmalen n ttabut-a, mani geɛɛden adrar-a s tsawnin i iqesḥen ar tqiccet maḥend ad ggen agellid-a aqdim ad iḥret x inni i das-izwaren.
Wami i d-wwḍen iwruppawiyen ɣer Ziland n jjdid deg useggʷas n 1642, d nitni i yebdan aḥewwes d lferz kuntra i imawriyen d imenɣan i wer ibedden ar mani d westfaq n Waitangi deg useggʷas n 1840.
Amestfaq-a i isinyan jer Ibriṭaniyen d imɣaren imawriyen, i yettwaḥsaben d arra niɣ d tawriqt min xef tbedd Ziland d jjdid, aya i ireẓmen abrid i leḥkam abriṭani di tmurt.
Yettwagg Kiingitanga (Amussu n ugellid amawri) deg useggʷas n 1858 deg yeswi n wesmuni n imawriyen n Ziland n jjdid adu i ijjen ugellid, 18 n iseggusa awerni i wemstfaq n Waitangi.