Sistas 20/12/2025 (TIFRAY) – Siɣin ca n ifellaḥen ttbellaɛen ibriden, assa n ssebt, deg yeffus uɣelluy n Fransa, amen sɣuyyun x mamek i tettemsurruf tanbaḍt tafransist aked ijjen lehlak ileqqfen wulli.
Xenni, tenna Sara Melki, tamessiwelt s yisem n tmunt n ifellaḥen di Aveyron, i AFP, ila “mintra wer yemsar ubeddel di tsertit tadusant, teqqim teṭṭef tanbaḍt di tɣarst tasistimatikt, xmi i d-ittban lehlak-nni, a neqqim nettenhezza”.
Deg yiger-a, tewweḍ tamunt n ifellaḥen, i yellan aked iẓelmaḍen, ad tegg ijjen ufrag d jjdid x luṭurut n “A75” i yetteqqnen jer Clermont-Ferrand d Montpellier, min t-yejjin ad yeqqen ɣer jjihet n yeffus, zzat ma ad innurẓem awerni i wegzen n nnhar.
Maca luṭurut n “A64” i yeqqnen jer Tuluz d Bayuna iqqim iqqen ssebt-a x 180 km. Amenni ula luṭurut n “A63” i yezdin jer Burdu aked Spaniya ṭṭerf i Sistas deg yeffus n Burdu.
Amek tenna tewzirt n daxel ila “yettwagg 50 n usekkir cerken deg-s 1619 n yewdan” ass-a n ssebt, s umlendad aked 93 n unhezzi cerken deg-s 4000 n yewdan iḍennaḍ n jjemɛa.