Le Rifain
Tekker tḥeryaḍt di Fransa x tesɣunt i umi qqaren “Valeurs Actuelles”, i yellan deg ufus n ifusiyen, zegga i dd-tewsef tabaerlamanit Danièle Obono am ca n tesmeɣt, awarn i umi i dd-tefser tateswirt-nnes, amen ɣer-s tiselselt n isemɣan deg yiri.
Arayes n lwuẓra n Fransa Jean Castex, iɛeyyeb min tegga tesɣunt-a, yenna x-as belli d ijjen lḥajet tqelleɛ-dd ul.
Tasɣunt tetter awadem zi Obono, maca tenna belli manaya wer yelli ca d rrasizm.
Obolo i yellan d taberlamanit x ukabar aẓelmaḍ i umi qqaren “La France insoumise”, i ineddeh Jean-Luc Mélenchon, tefser deg yijjen tzemmemt di twitter tateswirt-nni i dd-tefser tesɣunt n ifusiyen, tura x-as: “Deg wudem n arrasizm d usugi aɛeffan i yesseḍfayen amsawal adimuqraṭi, zi yeffus ameṭṭarfu, al yeffus n lwesṭ.” Terni tenna: “France Insoumisea, a nsiɣi deg webrid, a nbedd aked yinni ittkafaḥen, aked yinni ibedden x uḍar”.