Nnan-d amussu n firmirut d Itikniyen ass-a n ttlata belli 76 n yeḍbibden d firmirut i yelfqef kuruna di simana-ya i yeɛdan. Luxa iwweḍ nnumru-nnsen ɣer 504 zegga ttuɣa iwweḍ ɣer 430. Amussu n firmirut yenna qa waxxa amenni ɛad lḥukuma tesnuffer nnumru n tidet n firmirut i ihelken s kuruna.
Ifser-d umussu x Facebook ijjen llista n inni iksin abirus n Kuruna i yemsebḍan x waṭṭas n tneddam. Mamec i d-iydar umussu ila qa din aṭṭas n firmirut ttrajan nnatija n ttist-nnsen mamec ɣa tili. Aqqa-yen luxa ittwabelleɛ x-asen. Azgen ameqqran n yiḍbiben ihelken s lehlak-a ttilin di tneddam timeqqranin ameknaw Ṭanja, Fas, Merrakec d Kaza.
Ɣer ɛawed: di 48 n tseɛɛatin i yeɛdan: Kuruna ilqef 80 n firmiru