Aṭṭas n yewdan ittexsed ad sneqsen di lewzen, maca wer zemmarn, niɣ ittas-asen-dd laẓ, d tarjijit xmi tteggen arrijim. Aṭṭas n twalatin, arrijim isseqniḍ, minzi aṭṭas n min nettafa n macca n arrijim, nettaf-itt wer tredd ca am macca yesseḥḥan. Leɛṭurat, zemmarn ad ɛedlen macca, mamek zemmarn ad ɛawnen ɣer arrijim. Minzi ttɛwanen ɣer usexdem n macca di stumaɣu, niɣ asefsti n tadunt, niɣ ɛedlen ssukkar deg idammen. Deg wartikel-a, ad tafed 5 n leɛṭurat, i ittɛawanen ɣer Arrijim
1- SKINJBIR
Skinjbir nzemmar a t-nessexdem deg waṭṭas n tmeslayin. Netta urid ittɛawad ɣer ddemɛun waha, maca ittɛawan la d stumaɣu ad yeḥri macca, Skinjbri ishekkʷa ssukar deg idammen.
Ij n uwezwiz n skinjbir anict n yimez, ad iqess deg waman yennʷan, ad ineqqeɛ ij n 10 n tminutin, a t-nessidiy, uca a t-nsew (yeḥma niɣ d asemmaḍ, kifkif)
2- LḤARQUM
Lḥarqum (Xarqum) yegga am skinjbir, la d netta yessbaḥ i lehlakat n ddemɛun, niɣ n baktirya. tesxeddam iẓi, tessefsay tadunt, mamek nettat am skinjbir, tɛeddel ssukar deg idammen.
Skinjbir nzemmar ij n tɣenjayt d tamẓẓyant, a tt-negg di litru n waman, aked cwayt n llaymun d ij n tnayen n tudumin n zzekt. ad nessess awarni macca.
3- LQARFA
Lqarfa tettwaḥsab zi leɛṭurat iqdimen qaɛ i zi snennan yewdan. Lqarfa tettfuḥ aṭṭas, tɛddel ssukar, di lhend tteggen-tet deg waṭay, nettat ttmiẓit xluq, wer teḥwij bu ssukkar.
Maca Lqarfa ixessa wer zeg-s nettkeṭṭar, minzi deg-s Cumarin, izemmarn ad iḍerr stumaɣu, Ij n gram di nhar yekfa zeg-s. yessbaḥ ad tt-nsew tessur aked llaymun, qbel i macca.
4- LEQNURFEL
Leqnurfel issufuɣ aman, ittɛawan rrimet ad tessufeɣ min txemmel d aman, minzi deg-s Eugenol, ɛawed leqnurfel isxeddam stumaɣu, suyenni ittxessa a t-nerni deg waṭṭas n maccat, am taḥrirt.
2-3 n tḥebba n leqnurfel, Cwayt n vanill, ad neqqɛen 10min deg waman yennʷan. Qbel i macca s ij n rrbeɛ n tseɛɛet.
5- SSEHTER
tammurt-nnes d tammurt-nneɣ, maca wer yejji amkan deg umaḍal. Itteqqes cwayt, yettfuḥ, d amarẓag. Ssekt n sseḥter tneqq baktirya d ibirusen.
Sseḥter yetwassnen deg umaḍas Thyme, ittekkes ɣana n macca (niɣ iɛddel-itt), Iqeṭṭa x tirjajat nni n laẓ. Sseḥter nzemmar a zeg-s negg atay, mamek nzemmar a zeg-s nesfuḥ macca, netta ittas-dd aked kulci, ixessa a t-nessidef di macca nneɣ waha.